Ўзбекистон миллий терма жамоасининг Ливанга қарши ўртоқлик ўйини учун таркиби маълум
01 feb 2016 14:42
News

Ўзбекистон миллий терма жамоасининг Ливанга қарши ўртоқлик ўйини учун таркиби маълум

Аввал хабар берганимиздек, Ўзбекистон миллий терма жамоаси февраль ойида қисқа муддатли ўқув-машғулот йиғинини ташкил этади.

Ушбу йиғин доирасида Самвел Бабаян бошчилигидаги жамоа Ливанга қарши ўртоқлик учрашуви ўтказиши режалаштирилган. 13—15 февраль кунларига мўлжалланган йиғинга 21 нафар футболчи жалб этилган.

Таъкидлаш керакки, Ливанга қарши учрашув 14 февраль куни Бирлашган Араб Амирликларининг Дубай шаҳрида бўлиб ўтади.

Ўзбекистон миллий терма жамоасининг навбатдаги расмий ўйинлари Жаҳон чемпионати-2018 иккинчи саралаш босқичи доирасида март ойида бўлиб ўтади. Бабаян шогирдлари 24 март куни Филиппин, 29 март куни эса Баҳрайнни Тошкентда қабул қилади.

Айни вақтда Ўзбекистон миллий терма жамоаси иккинчи саралаш босқичида 6 ўйиндан кейин 15 очко тўплаган ҳолда, “H” гуруҳида иккинчи ўринни эгаллаб турибди. Биринчи ўриндаги КХДР терма жамоаси ҳисобида 7 ўйиндан кейин 16 очко бор.

Қуйида Ўзбекистон миллий терма жамоасининг 13—15 февраль кунлари бўлиб ўтадиган йиғинига жалб этилган футболчилар рўйхатини келтириб ўтамиз.

№	Исм-фамилияси	Туғилган санаси	Амплуаси	Клуб
1	Игнатий Нестеров	20.06.1983	Дарвозабон	“Локомотив”
2	Элдор Суюнов	12.04.1991	Дарвозабон	“Насаф”
3	Даврон Ҳошимов	24.11.1992	Ҳимоячи	“Пахтакор”
4	Ислом Тўхтахўжаев	30.10.1989	Ҳимоячи	“Локомотив”
5	Камолиддин Тожиев	03.05.1983	Ҳимоячи	“Пахтакор”
6	Шерзод Аъзамов	14.01.1990	Ҳимоячи	“Насаф”
7	Азимжон Аҳмедов	04.01.1992	Ҳимоячи	“Пахтакор”
8	Станислав Андреев	06.05.1988	Ҳимоячи	“Пахтакор”
9	Акромжон Комилов	14.03.1996	Ҳимоячи	“Бунёдкор”
10	Жавлон Мирабдуллаев	19.03.1994	Ҳимоячи	“Бунёдкор”
11	Жавоҳир Соҳибов	01.03.1995	Ярим ҳимоячи	“Пахтакор”
12	Жамшид Болтабоев	03.10.1996	Ярим ҳимоячи	“Пахтакор”
13	Отабек Шукуров	22.06.1996	Ярим ҳимоячи	“Бунёдкор”
14	Сервер Жепаров	03.10.1982	Ярим ҳимоячи	“Локомотив”
15	Жасур Ҳасанов	02.08.1983	Ярим ҳимоячи	“Локомотив”
16	Достон Ҳамдамов	24.07.1996	Ярим ҳимоячи	“Бунёдкор”
17	Санжар Шоаҳмедов	23.09.1990	Ярим ҳимоячи	“Локомотив”
18	Элдор Шомуродов	29.06.1995	Ярим ҳимоячи	“Бунёдкор”
19	Шуҳрат Муҳаммадиев	24.06.1989	Ярим ҳимоячи	“Насаф”
20	Игорь Сергеев	30.04.1993	Ҳужумчи	“Пахтакор”
21	Марат Бикмаев	01.01.1986	Ҳужумчи	“Локомотив”