Ўзбекистон миллий терма жамоаси декабрда 8та ўйин ўтказишни режалаштирмоқда

Режага кўра, Миржалол Қосимов бош мураббийилигидаги миллий терма жамоа БААдаги дастлабки йиғинини 2-14 декабрь кунлари ўтказади. Дубай шаҳрида ташкил этиладиган иккинчи йиғин эса 17-28 декабрь кунларига мўлжалланган. Йиғин давомида миллий терма жамоа 8та ўртоқлик учрашуви ўтказишни режалаштирмоқда ва айни дамда бир қатор футбол ассоцияциялари билан музокаралар олиб борилмоқда. Таъкидлаш жоиз, декабрь ойи сўнггида миллий терма жамоа Ироқ терма жамоаси билан иккита ўртоқлик учрашувини ўтказиш борасида келишувга эришди. Ироққа қарши ўйинлар 26 ва 28 декабрь кунлари Дубай шаҳрида ўтказилади.

Айни дамда Ўзбекистон миллий терма жамоасининг декабрь ойида ўтказадиган 5та ўртоқлик учрашуви учун рақиблар номи аниқ. Унга кўра, Кувайт (10 декабрь), Фаластин (13 декабрь), Иордания (20 декабрь), ва Ироқ терма жамоаларига (26 ва 28 декабрь кунлари) қарши ўйинлар ўтказилиши тасдиқланган.