Ўзбекистон Кубоги. "Локомотив" 6 очко тўплаган бўлсада гуруҳда қолиб кетди, "Қўқон-1912" ва "Қизилқум" кейинги босқичда
21 may 19:48
News

Ўзбекистон Кубоги. "Локомотив" 6 очко тўплаган бўлсада гуруҳда қолиб кетди, "Қўқон-1912" ва "Қизилқум" кейинги босқичда

Ўзбекистон Кубогининг "F" ва "G" гуруҳларида 3-тур учрашувлари бўлиб ўтди.

"F" гуруҳининг етакчилари ҳисобланган "Қўқон-1912" ва "Қизилқум" ўзаро тўқнаш келишди. Сўнгги дақиқаларда урилган гол Фарғона клубини кейинги босқичга олиб чиқди, навоийликлар мағлубиятга учраган бўлсада, аввалги икки баҳсдаги ғалабалар эвазига 6 очко билан иккинчи ўринни банд қилишди.

"Замин" ва "Андижон ФА" гуруҳда қолиб кетишди.

"G" гуруҳида 3-тур ўйинларидан сўнг қизиқ вазият юзага келди. "Локомотив" меҳмонда "Бунёдкор"ни таслим қилди, "Бухоро" эса "Наманган ФА" дарвозасига жавобсиз 5та гол урди. Шундай қилиб, 3 та жамоада ("Бухоро", "Локомотив" ва "Бунёдкор") 6 очко бўлиб қолди. Ўзаро ўйинлардаги натижага кўра "Бухоро" ва "Бунёдкор" кейинги босқичга йўл олишди.