Latest news

12:20"Сабаби фақат бошда эмас. Бу ерда омиллар мажмуаси бор". Россиялик шифокор Остон Ўруновнинг жароҳатлари ҳақида гапирди  0 11:57"Реал" асосий жамоанинг 5 нафар футболчиси, жумладан, Родриго билан хайрлашишга тайёр  2 11:30Зайнутдинов тиббий кўрикдан ўтди — трансфер якуний босқичда  0 10:36"Манчестер Юнайтед" - "Вест Хэм" учрашувида рекорд қайд этилди  5 09:58"Насаф" ярим ҳимоячиси "Бунёдкор"га ўтиши мумкин  3 09:20"ФарДУ" иккинчи даврада Суперлиганинг бир нечта футболчиси билан шартнома имзолаши мумкин  1 08:46Назорат учрашуви. "Қўқон-1912" "Арал"ни мағлуб этди. Қўқонликлар сафида ОКМК футболчиси ҳаракат қилди  1 08:13ЦСКА директори Файзуллаев трансфери ҳақида гапирди  7 07:48Мираброр Усмонов хотира турнири. Бугун чемпион аниқланади  4 00:01Англия финалда Испанияни мағлуб этиб, аёллар ўртасидаги Евро-2025 ғолибига айланди  7 23:38Артур Испанияга қайтиши мумкин  0 23:15Доннарумма "Галатасарой"дан таклиф олган. Истанбулликлар дарвозабоннинг ПСЖ билан музокараларидаги қийинчиликдан фойдаланмоқчи  0 22:40"Ал Насср" Феликсдан сўнг ЖЧ ғолибини нишонга олди  5 22:16Диас "Бавария"га 75 млн евро эвазига ўтмоқда, томонлар барчасини келишиб олишди. "Ливерпуль" вингери 4 йиллик шартнома имзолайди  7 21:48"Ювентус" машғулотларни ўтказиб юборгани учун Дуглас Луисни 40-120 минг евро жаримага тортади. Хавбек Англияга йўл олмоқчи  0

Ўзбекистон Кубоги гуруҳ босқичига қачон қуръа ташланади? News

Ўзбекистон Кубоги гуруҳ босқичига қачон қуръа ташланади?

ПФЛ матбуот хизматининг маълум қилишича, мусобақа гуруҳ босқичига 26 февраль куни қуръа ташланади.

Ўтган йилларда бўлгани каби гуруҳ босқичида 32 та жамоа иштирок этади ва улар 8 та гуруҳга ажратиб олинади. Ҳар бир гуруҳдан 2 тадан энг яхши жамоа 1/8 финал босқичига йўлланмани қўлга киритади. 

Суперлига ва Про лиганинг жами 22 та клубидан ташқари ўтган мавсумни Биринчи лигада муваффақиятли ўтказган "Цементчи" ва "Зомин" жамоалари гуруҳ босқичида тўғридан-тўғри иштирок этади. Биринчи лиганинг кубок гуруҳ босқичида иштирок этувчи қолган саккиз клуби эса саралаш босқичи орқали аниқланади. Қайд этиш керак, "Цементчи" ўтган мавсум биринчиликнинг шарқий минтақасини пешқадам сифатида якунлаган, "Зомин" эса ўз минтақасида учинчи бўлган. Ундан тепароқда бўлган "Насаф Фарм" Кубокда иштирок этмайди. "Жайхун" Про лига аъзоси сифатида мусобақага қўшилади.

Саралашнинг эҳтимолий саккиз ғолиби қуръа олдидан барча гуруҳларга сочиб юборилади ва улар гуруҳ босқичида ўзаро рақиб бўлмайди. Яъни, уларнинг ҳар бирида тажриба тўплаш учун каттароқ жамоаларга қарши учрашувларда иштирок этиш имконияти бўлади. Шунингдек, Биринчи лиганинг мазкур саккиз клуби икки сафар учрашувида иштирок этади ва фақатгина 1 та рақибни — гуруҳнинг биринчи жамоасини ўз майдонида қабул қилади. 

Гуруҳ босқичида икки жамоанинг ўзаро келишиб, учрашувни рақиб майдонига кўчиришига йўл қўйилмайди. Стадиони тайёр бўлмаган жамоага регламент бандидан келиб чиқиб, техник мағлубият ёзилади. Лига бу билан бирор каттароқ клубнинг Биринчи лига жамоаси майдонига сафар этишини таъминлашни мақсад қилган. Шундан келиб чиқиб, ҳар гуруҳнинг биринчи рақамли жамоаси сунъий ёки шароити жиҳатидан у қадар яхши бўлмаган майдонга сафар уюштиришига тўғри келади. Мазкур қадам кичик футбол ўйингоҳларига жамоатчилик эътиборини қаратиш учун муҳимдир. 

Қолган 24 та клуб ҳеч қандай саватларга ажратилмайди. Ўтган йилларда бўлгани каби қуръа ким учундир омадли ва яна кимгадир мураккаб келиши мумкин. Бир йил аввал "H" гуруҳи "Навбаҳор", "Андижон", "Динамо" ва "Насаф" клубларини ўзида жамлаган бўлиб, кейинчалик уларнинг 2 таси финалга қадар етиб борганди. Телетрансляциялар ва жамоатчилик эътиборидан келиб чиқиб, айнан шу гуруҳдаги беллашувлар Кубок мусобақасини очиб бергани сир эмас. 

Қуръа маросими 26 февраль куни 19:00 да старт олади ва у "Футбол ТВ" ҳамда Лига расмий саҳифалари орқали жонли эфирга олиб чиқилади.

Rating: +2   

Comments

championat.asia
< show latest news
Яндекс.Метрика