Ўзбекистон футболчилар Уюшмаси клубларни огоҳлантиради
12 feb 2021 21:13
News

Ўзбекистон футболчилар Уюшмаси клубларни огоҳлантиради

ЎФА томонидан Футболчилар мақоми ва ўтиши бўйича қўмитанинг 2021 йил 5 февраль кунги қарорига кўра 2019-2020 йилги мавсумда ПФЛ олдидаги қарздорликлари туфайли бир қатор клубларга 2021 йилги мавсум учун хорижий мураббий ва футболчиларни рўйхатдан ўтказиш тақиқи қўйилган.

Шунга қарамай "Бухоро" футбол клуби кеча сербиялик Марко Милич билан шартнома тузганини эълон қилди. Куни кеча Ўзбекистон футболчилар Уюшмаси электрон почтасига ПФЛ бош директори номидан хат келиб тушди. Унда "Бухоро" клуби огоҳлантирилган ва янги легионер ПРО лига учун рўйхатдан ўтказилмаслигини маълум қилинган. Милич "Бухоро" сафида майдонга туша олмайди, бу эса унинг ҳуқуқини поймол қилади. Ўзбекистон футболчилар Уюшмаси легионерларни рўйхатдан ўтказиш тақиқи қўйилган клубларни яна бир бор огоҳлантиради: Шартноманинг 4.1.3 банди бўйича клуб футболчини мусобақада иштирокини таъминлаши керак. Агар бу талаб бажарилмаса банд бузилган бўлади ва футболчи барча пулларини ундириш ҳуқуқига эга.

Сўнгги пайтларда ФИФА томонидан кўплаб клубларимизга санкциялар қўлланилмоқда. Шу боис клубларимиз раҳбарларидан келажакни ўйлаб иш қилишларини сўраб қолардик.

Link :

Source : championat.asia

Receive latest football news directly on your phone. Subscribe for our Telegram channel!

Rating: -6