Ўзбекистон аёллар миллий терма жамоаси Осиё кубоги саралаш баҳсларини юртимизда ўтказади
26 mar 2021 12:32
News

Ўзбекистон аёллар миллий терма жамоаси Осиё кубоги саралаш баҳсларини юртимизда ўтказади

Аввал хабар берганимиздек, аёллар ўртасидаги Осиё кубоги саралаш турнирини Ўзбекистонда қабул қилиш бўйича Ўзбекистон футбол ассоциацияси ОФКга мурожаат хати юборган эди.

Осиё футбол конфедерациясининг якуний қарорига мувофиқ ушбу йил 13-25 сентябрь кунлари бўлиб ўтадиган Осиё кубоги саралаш баҳслари юртимиз майдонларида ҳам ўтказилади.

Саралаш босқичида жами 30 жамоа вакиллари 8 гуруҳга бўлинган ҳолда, чемпионатнинг 8 йўлланмаси учун беллашадилар.

Баҳром Норсафаров мураббийлиги остидаги аёллар миллий терма жамоамиз қуръа ташлаш маросимида мезбон мамлакатлар саватчасидан ўрин олади. Қуръа жараёнида терма жамоамиз ўз гуруҳида 2-рақам билан сараланади.

Мазкур босқич учрашувларига Ўзбекистон билан биргаликда Хитой Тайпейи, Индонезия, Мянма, Непал, Фаластин, Таиланд ва Вьетнам мамлакатлари мезбонлик қилади.

Ўзбекистон аёллар ўртасидаги U20 Осиё кубоги-2022 баҳсларига мезбонлик қилади

Link :

Source : ufa.uz

Receive latest football news directly on your phone. Subscribe for our Telegram channel!

Rating: