Ойбек Рустамов: "Мураббий ва мухлислар ишончини қозонишга ҳаракат қиламан"
04 mar 2016 07:36
News
![](https://championat.asia/upload/storage/200439_original.jpg)
![](/upload/storage/200439_220.jpg)
Ойбек Рустамов: "Мураббий ва мухлислар ишончини қозонишга ҳаракат қиламан"
- Ойбек Хитой сафари таассуротлари билан ўртоқлашсангиз.
- Хитойга қилган сафаримиз жуда омадли бўлди. Биз у ерда бош мураббийимиз Жасур Абдураимов бошчилигида 4 жамоа иштирок этган ҳалқаро турнирда иштирок қатнашдик. Дастлаб Хорватия, кейин мезбонлар ва сўнгги ўйинда Филиппин терма жамоаларини мағлубиятга учратиб, турнир ғолиби бўлдик. Сафарга кетишда олдимизга қўйилган вазифани бажардик.
- Мураббийлар ўйинингиздан қониқишдими?
- Мураббийларимиз барчамизни майдонда синаб кўришди. Мен ҳам ҳар учала ўйинда майдонга тушдим. Ҳаракатларим уларга ёқдими ёки ёқмадими билмадим, лекин кейинги йиғинларга тайёр туришимни айтишди. Уйга вазифаларни беришди. Ўз устимда қандай ишлашим ҳақида маслаҳатлар беришди.
- Терма жамоада қайси чизиқда ҳаракат қилдингиз?
- Хорватияга қарши ўйинда ҳимоя чизиғида харакат қилдим. Хитой ва Филиппин билан ўйинларда эса таянч ярим ҳимоячи вазифасини бажардим.
- Мана янги мавсум ҳам бошланиш арафасида. Нима деб ўйлайсиз мураббийлар сизга асосий жамоада ишонч билдиришадими?
- Жамоамиз бош мураббийи Мурод Исмоилов биз ёшларга катта эътибор қаратмоқда. Машғулотларда бизни доим асосий таркибга тайёр бўлишимизни уқтириб келмоқда. Мавсумга тайёргарлик чоғида бўлган ўртоқлик ўйинларида мен каби ёшларни асосий таркибга тушуриб синовдан ўтказиб турдилар. Энди бу ёғигаям бўш келмаймиз, имкон бўлган тақдирда мураббийлар ва мухлисларнинг ишончларини қозонишга ҳаракат қиламан. Бошланаётган чемпионатимизда жамоамизга омад тилайман. Ўйлайманки жамоамиз бу йил ижобий натижалар билан Қўқонлик мухлисларни хурсанд қилади.
Акрамжон Мамадалиев суҳбатлашди.
Similar news
![AMP Logo](https://championat.asia/image/logo-amp.png)
Comments