ОТЖнинг Осиё чемпионатига борадиган якуний таркиби ҳақида — Шаҳбоз Беғамов

Менимча, ортиқча савол ёки эътирозга ўрин йўқ. Ўруновнинг ўйинида пасайиш кузатилган бўлса, Ғофуров айни дамда таянч зонасида ўйнаётган ёки ҳимоя марказида ўйнаши мумкин бўлган рақобатчиларидан яхшироқ формада эмас. Бугун «Насаф»дан «Навбаҳор»га ўтган Рашидхонов эса ўтган мавсум қаршиликлар сафидаги ўрнини йўқотиб қўйганди.

Шуни қўшимча қилиш керакки, аслида ўтган мавсумда «Насаф»нинг асосий кипери ва ОТЖда биринчи рақамли посбон саналган Умид Эргашев жиддий жароҳати боис мавсумни катта қисмини ўтказиб юборди ва қитъа чемпионатига қадар тикланишга улгурмади.

Маълумот ўрнида:

Таиландда ўтадиган Ёшлар ўртасидаги Осиё чемпионатига борадиган Ўзбекистон ОТЖ таркибидаги 6 нафар футболчилар — Ислом Қобилов, Хожиакбар Алижонов, Ойбек Рустамов, Азиз Ғаниев, Жасур Яхшибоев ва Бобир Абдихолиқов мусобақанинг амалдаги ғолиби ҳисобланади.

Уларда икки карра чемпионликни расмийлаштириб, икки карра тарихдан муқим ўрин олиш имконияти мавжуд.

Шунингдек, ўтган галги чемпион таркибимизда бўлган ва бўлажак мусобақада ўйнаши мумкин бўлган — Ҳусниддин Ғофуров ва Суҳроб Нуруллоев бу галги жамоа таркибига лойиқ кўрилмади.