Отаменди: "Францияликлар ғалабани бизнинг оиламиз вакиллари олдида нишонлашди. Нишонлагинг келса, олдимга кел, ҳал қиламиз"

Франция чорак финал баҳсида Аргентинани 1:0 ҳисобида таслим қилди.

Ўйин якунланганини англатувчи хуштак чалинганидан сўнг Аргентина терма жамоаси мураббийлар штабидагилар франциялик футболчилар томон югуриб боришди ва улар ўртасида можаро юзага келди. Жанжал франциялик хавбек Энцо Мийо ҳамда аргентиналик ҳимоячи Николас Отаменди ўртасидаги тўқнашувдан сўнг бошланди.

"Франциялик футболчилар оиламиз ўтирган трибуна тўғрисида ғалабани нишонлаганидан жаҳлим чиқди.

Бу Бальде ёки Баде (Лоик Баде), агар у оиламиз қаршисида ғалабани нишонламохчи бўлса, олдимга келсин, ҳал қиламиз. Ҳаммасини келишиб оламиз.

Жаҳон чемпиони бўлишдан аввал аламли мағлубиятларни бошимдан ўтказганман, бу қандай эканлигини яхши биламан. Йигитлардан миннатдорман. Бизга битта гол етишмади" - деди Отаменди.