Отабек Шукуровдан Дилшод Андаевга 1 000 000 сўм
26 dec 2013 17:00
News

Отабек Шукуровдан Дилшод Андаевга 1 000 000 сўм

"Машъал" клуби тарбияланувчиси Отабек Шукуров биринчи мураббийига эҳтиром кўрсатди.

Кеча бўлиб ўтган "Машъал" жамоаси тақдирлаш маросимида Отабек Шукуров клубнинг 2013 йилдаги энг яхши ёш футболчиси деб топилгани ҳақида хабар бердик.

Шу боис клуб раҳбарияти футболчига мукофот сифатида 1 000 000 сўмлик чек тақдим этди. Отабек эса тадбирда иштирок этаётган ўзининг биринчи мураббийи Дилшод Андаевга ушбу пул мукофотини совға қилмоқчи бўлди. Ўзи тарбиялаган футболчининг бундай ҳаракатидан Андаевнинг тўлқинлагани рост, бироқ мураббий бу сенинг ҳалол меҳнатинг дея футболчига миннатдорчилик билдириб мукофотни олмади.

Маълумот учун, Дилшод Андаев Шукуровдан ташқари Шоҳжаҳон Аббосов, Дурбек Камолов, Шерзод Абдураимов ва Элдор Шомуродов каби турли ёшдаги терма жамоаларимизда фаолият олиб бораётган футболчиларнинг биринчи мураббийи ҳисобланади.

Link :

Source : championat.asia

Receive latest football news directly on your phone. Subscribe for our Telegram channel!

Rating: