Отабек Шукуров учала ўйинда ҳам иштирок этган
08 oct 2013 15:52
News
![](https://championat.asia/upload/storage/102392_original.jpg)
![](/upload/storage/102392_220.jpg)
Отабек Шукуров учала ўйинда ҳам иштирок этган
Хабарингиз бор, БААда бўлиб ўтадиган ўсмирлар ўртасидаги жаҳон чемпионатига ҳозирлик кўраётган Ўзбекистон ўсмирлар терма жамоаси (U-17) Испаниядаги турнирда иштирок этиб қайтди. Дилшод Нуралиев шогирдлари у ерда учта ўйин ўтказиб, бир бор дуранг ўйнашди ва иккита баҳсда имкониятни бой беришди.
Мазкур беллашувларда “Машъал” футбол мактабининг икки нафар тарбияланувчиси ҳам иштирок этди. Булар - ярим ҳимоячи Отабек Шукуров билан ҳужумчи Шоҳжаҳон Аббосов. Сайтларда чиққан хабарларга кўра, Отабек Шукуров ҳеч бир учрашувда майдонга тушмаган бўлиб чиққан. Яъни, у захирадан жой олганлар қаторида ҳам кўрсатилмаган.
Лекин футболчининг ўзи билан боғланганимизда дастлабки икки учрашувда (Кот-Д‘Ивуар ва Мексика билан кечган баҳсларда) иккинчи тайм бошида майдонга тушиб, 45 дақиқа тўп сурганини маълум қилди. Шунингдек, Аргентина ўсмирларига қарши учрашувда тўлиқ 90 дақиқа ҳаракат қилганини айтди. Бундан кўриниб турибдики, футболчини ҳозирги кунда жароҳат безовта қилаётгани йўқ ва у жаҳон чемпионатига тайёр.
Link :
Source : championat.asia
Receive latest football news directly on your phone. Subscribe for our Telegram channel!
![AMP Logo](https://championat.asia/image/logo-amp.png)
Comments