Отабек Нарзуллаев: «Охирги дақиқаларда мағлуб бўлиш аламли»
02 may 2016 14:53
News

Отабек Нарзуллаев: «Охирги дақиқаларда мағлуб бўлиш аламли»

Олий лига еттинчи туридан жой олган «Қизилқум» — «Бухоро» учрашувидан сўнг, мезбонлар ярим ҳимоячиси Отабек Нарзуллаев ўйин ҳақида ўз фикрларини билдирди.

— Ўйин кескин ва шиддатли ўтишини аввалдан билардик, — дейди Отабек. — Ўтган турда Қўқонда қозонилган йирик ғалаба жамоадошларим кучига куч қўшиши лозим эди. Афсуски, навбатдаги ўйинда бунинг акси бўлди, деб ўйлайман. Деярли тенг курашлар остида кечган баҳсда мағлубиятга учрадик. Охирги дақиқаларда мағлуб бўлиш жуда аламли, албатта.

Бу — футбол! Унда ҳеч ким мағлубиятдан кафолатланмаган. Бизни ҳар бир учрашувда ишонч билан қўллаб-қувватлаётган кўпсонли навоийлик мухлисларга жамоадошларим номидан раҳмат айтаман. Чемпионатнинг асосий ўйинлари ҳали олдинда турибди. Уларда ўз ишқибозларимизни хурсанд қилиб, бой берилган очколар ўрнини қоплашга ҳаракат қиламиз.

«Қизилқум» ПФК Матбуот хизмати.

Link :

Source : championat.asia

Receive latest football news directly on your phone. Subscribe for our Telegram channel!

Rating: