Отабек Нарзуллаев: “Жамоамга ёрдам беришга тайёрман”
25 sep 2016 14:44
News

Отабек Нарзуллаев: “Жамоамга ёрдам беришга тайёрман”

Олий лига йигирма учинчи туридан жой олган “Қизилқум” — “Насаф” учрашувига қизиқиш жуда юқори.

Учрашув олдидан навоийликлар ярим ҳимоячиси Отабек Нарзуллаевнинг фикрлари билан қизиқдик.

—Жароҳат туфайли охирги турларда майдонга туша олмадим, — дейди Отабек Нарзуллаев. — Айни чоғда ўз жамоамга ёрдам беришга тайёрман. Сўнгги турларда “Қизилқум” жамоаси кутилмаган натижаларни қайд этиб, ўз мухлисларини ранжитди. Бугун ўз майдонимизда чемпионат пешқадамларидан бири “Насаф”га қарши ўйнайди. Бу ўйинда ғалаба биз учун ҳам, мухлисларимиз учун ҳам жуда муҳим. Рақибимиз номдор жамоа бўлса-да, уларга қарши бемалол ғалаба учун ўйнаса бўлади.
Муҳими, жамоамиз таркибида жиддий йўқотишлар йўқ. Навбатдаги баҳсда ижобий натижани қўлга киритиш учун бор куч ва маҳоратимизни ишга соламиз.

“Қизилқум” ПФК Матбуот хизмати.

Link :

Source : championat.asia

Receive latest football news directly on your phone. Subscribe for our Telegram channel!

Rating: +7