Отабек Боймуродов: "Ҳиссиётлар фантастик даражада. Мухлисларга раҳмат айтаман"

- Отабек, табриклаймиз. Бугунги ўйин ҳақидаги фикрларингиз?

- Ҳиссиётлар фантастик даражада. Биз жуда хурсандмиз. Бу жойга қадар узоқ йўл босдик. Ҳаммани табриклаб қоламан. Айниқса, мухлисларга раҳмат айтаман. Ҳар ўйинда тўлиб тошган стадионда футбол ўйнамоқдамиз. Катта раҳмат.

- Учта пенальтини қайтаришга эришдингиз. Рақибни пенальти тепишини ўрганиб чиққанмидингиз?

- Йўқ, бу шунчаки импровизация. Ўтган сафаргидек "баклажка"га ёзиб ҳам олинмаганди.

- Пенальти тепилиши жараёнида оёғингиз чиқиб тургандек таассурот қолдирди...

- Йўқ, шунчаки битта оёқ олдинда бўлади, иккинчи эса чизиқда.

- Бешта ўйинда битта гол ўтказдингиз, аммо бу концентрацияни йўқотиб қўйишга сабаб бўлмайдими?

- Биринчи навбатда, ҳимоячиларимга раҳмат (кулади). Кўп нарса шунга боғлиқ. Ҳимоячилар жуда ажойиб ҳаракат қилишди.  

- Кийиниш хонасида йигитлар сизга нималар дейишди?

- Ҳеч нима. Биз шунчаки ғалабани бақириб нишонладик.

- Ироқ ҳақида қисқача фикрингиз?

- Жуда қийин ва кучли рақиб.