Остон Ўруновнинг янги "уйи" - "Откритие Арена"га фотосаёҳат

Февраль ойида сайтимиз фотографи Жаҳонгир Файзуллаев ўқувчиларимиз учун стадиондан махсус фоторепортаж тайёрлаган эди. Энди ушбу стадионда Остон Ўрунов ўйнайди. Марҳамат томоша қилинг.

"Откритие Арена" стадиони 2014 йил 27 август куни қуриб битказилган.

Стадион ёнида гладиатор ҳайкали мавжуд.

Стадион Москванинг Покровское-Стрешнево туманида жойлашган. Бу ерда олдин Тушинский аэродроми бўлган.

Стадионни қуриш учун 14,5 миллиард рубль сарфланган. Архитектор - Буркхард Гримм.

2013 йил 19 февраль куни стадион "Откритие Арена" ("Открытие Арена") номини олган. "Откритие" банки 6 йил учун "Спартак" клубига 1 миллиард 208 миллион рубль тўлашга келишилган. 2018 йилда ушбу келишув 2023 йилга қадар узайтирилган, фақат молиявий томонлари ошкор этилмаган.

Ушбу стадионда 2017 йилги Конфедерациялар кубогининг 4та ўйини ўтказилган.  Улар орасида учинчи ўрин учун Португалия - Мексика 2:1 ўйини ҳам бор. Бундан ташқари 2018 йилги Жаҳон чемпионатининг 5та учрашуви "Откритие" стадионида ўтказилган. (Суратда Нарзулла Сайдуллаев ва бугун туғилган кунини нишонлаётган Гайрат Хасбиуллин)
 

Стадион ўз бағрига 45 360 томошабинни сиғдира олади.

Майдон узунлиги 105 метр, энига 68 метр. Майса тўлиқ табиий.

Сайтимиз фотографи Жаҳонгир Файзуллаев стадиондан барчага салом йўлламоқда.

Стадион ичида ака-ука Старостинлар шарафига ҳайкал ўрнатилган.

Матбуот анжумани хонаси

 Championat.asia сайти Остон Ўруновга мана шу майдонда кўплаб ўйинларда майдонга тушиб ажойиб голлар уришини тилайди!