Остон Ўрунов "Уфа" билан Рафаэль Бенитес жамоасини мағлуб қилди
23 feb 2020 23:29
News

Остон Ўрунов "Уфа" билан Рафаэль Бенитес жамоасини мағлуб қилди

Бугун "Уфа" футбол клуби Испания йиғини доирасидаги сўнгги назорат учрашувини ўтказди.

"Уфа"га Рафаэль Бенитес бошчилигидаги "Далянь Ифан" клуби рақиблик қилди. Ўйин "Уфа"нинг тўлиқ устунлиги остида ўтди ва якунда русларнинг қўли баланд келди - 4:1. Даниил Фомин ва Ловро Бизякнинг дублига хитойликлар бир бор жавоб қайтаришди. Учрашувни заҳира ўриндиғида бошлаган Остон Ўрунов 33-дақиқада майдонга туширилди ва ҳакамнинг якуний ҳуштаги чалингунига қадар тўп тепди.

Испания йиғинидан қайтган "Уфа" Краснодарга сафар қилиб, 1 март куни РПЛ 20-тури доирасида мазкур шаҳар жамоаси билан беллашади.

«Уфа» (Уфа, Россия) – «Далянь Ифан» (Далянь, Китай) – 4:1 (2:0).
Голлар: Фомин (1:0, 10), Бизяк (2:0, 41), Фомин (3:0, 58), Бизяк (4:0, 61).
ФК «Уфа»: Беленов - Сухов (Терентьев, 81), Неделчару, Табидзе (Пуцко, 85), Йокич, Алиев - Карп (Урунов, 33), Фомин, Тилль - Кротов (Агаларов, 79), Бизяк (Вомбергар, 72).