Остон Ўрунов Эрон чемпионатининг энг қиммат ўйинчисига айланди, рўйхатда Машарипов ҳам бор

Янгиланган рўйхатда Остоннинг нархи 2.5 миллион евро деб кўрсатилган. Кейинги поғонада унинг жамоадоши Ҳуссайн Канани 2.2 млн евро. Учинчи ўринда 1.8 млн евро билан "Тракторсози"нинг португалиялик ўйинчиси Рикарду Алвеш. Эрондаги яна бир ҳамюртимиз Жалолиддин Машариповнинг трансфер нархи 1.7 млнга кўтарилди ва у тўртинчи энг қиммат ўйинчи бўлиб олди.

Эслатиб ўтамиз, бундан олдинги рўйхатда О.Ўруновнинг нархи 1 млн евро, Ж.Машариповнинг нархи эса 1.5 млн эди.

Остон Эрон чемпионатида 13та ўйинда рақиблар дарвозасига 6та гол урди ва жамоасининг чемпионликни қўлга киритишида жуда катта ҳисса қўшди.