Осиё хабари. Қатарни жазоирлик мураббий бошқаради

Бунгача жамоани Фаҳад Тани бошқариб келаётганди, бироқ ҚФФ раҳбарлари мураббийни ўзгартиришни лозим топишди.

Янги мураббийни ОАВга ҚФФ президенти Шайх Ҳамад Ал Тани таништирди. Мураббий Жамел Белмади сўз олар экан шундай дейди: “Мен учун миллий терма жамоани бошқариш жуда катта имконият. Қатар термаси яхши футболчилардан иборат ва улар билан Осиё Кубогида ўзимизни кўрсата оламиз”.

Маълумот сифатида шуни айтишимиз мумкин, жазоирлик мураббий 2011 ва 2012 йилда “Лехвия” билан мамлакат чемпионлигини қўлга киритган. У ҳозир 37 ёшда. Қатарда эса 10 йилдан бери фаолият олиб боряпти.

Мамлакат футбол федерацияси президенти қисқагина қилиб шундай деди: “Мақсадимизни тушуниш қийин эмас. Жамел Белмади бошчилигида жамоа 2018 йилги жаҳон чемпионатига боришини хоҳлаймиз ва бунинг учун бор имкониятни ишга соламиз”.