Осиё хабари. Микаэль Лаудруп - “Лаҳвия” бош мураббийи
02 jul 2014 15:31
News

Осиё хабари. Микаэль Лаудруп - “Лаҳвия” бош мураббийи

“Суонси” клубининг собиқ бош мураббийи Микаэль Лаудруп яқинда Қатарнинг “Лаҳвия” жамоаси бош мураббийи этиб тайинланди.

50 ёшли мутахассис шу йилнинг февраль ойида “Суонси”ни тарк этган ва шундан бериш ишсиз юрганди. Клуб расмий сайтининг маълум қилишича, даниялик мураббий билан қанча муддатга шартнома тузилгани ва унинг бандлари кейинроқ эълон қилинади.

“Лаҳвия” мураббийлик фаолиятимдаги охирги жамоа бўладими ёки йўқ, бу ҳақда ҳеч нарса дея олмайман - деб айтиб ўтди Лаудруп. - Қатарда қанча ишлашим клуб қайд этадиган натижаларга боғлиқ”.

Доха шаҳри шарафини ҳимоя қилувчи “Лаҳвия” Қатар чемпиони ҳисобланади ва бунгача жамоани бельгиялик мураббий Эрик Геретц бошқариб келаётганди. Жорий мавсум ОЧЛ гуруҳ ўйинларида қатнашган “Лаҳвия” олтита ўйиннинг иккитасида ғалаба қозониб, якунда учинчи ўринни эгаллади.

Link :

Source : championat.asia

Receive latest football news directly on your phone. Subscribe for our Telegram channel!

Rating: