Осиё хабари. Маркуиньо ижара асосида “Ал Иттиҳод”га ўтди
03 jul 2014 14:23
News

Осиё хабари. Маркуиньо ижара асосида “Ал Иттиҳод”га ўтди

Осиё чемпионлар лигаси чорак финалчиси “Ал Иттиҳод” ўз таркибини кучайтирди.

Саудия Арабистонининг энг номдор жамоаларидан бири “Ал Иттиҳод” ўз сафини бразилиялик ярим ҳимоячи Маркуиньо билан тўлдириб олди. Якунига етган евромавсумни “Рома” таркибида ўтказган Маркуиньо ижара асосида бир йиллик муддатга Саудия клубига келиб қўшилди.

28 ёшли чап қанот ярим ҳимоячиси 2012 йил “Рома” сафига ўтганди. Бу орада у “Верона” таркибида ҳам ижара асосида тўп тепишга улгурди. Футболчи вероналиклар сафида 15та ўйинда иштирок этиб, иккита гол урди. Эндиликда у фаолиятини Саудия Арабистонида давом эттирадиган бўлди.

Эслатиб ўтамиз, “Ал Иттиҳод” ОЧЛ чорак финалидан ўрин олган дастлабки беллашувни 19 август куни сафарда БААнинг “Ал Айн” клубига қарши ўтказади. Жавоб учрашуви 26 августда Жидда шаҳрида бўлиб ўтади.

Link :

Source : championat.asia

Receive latest football news directly on your phone. Subscribe for our Telegram channel!

Rating: