Осиё мамлакатлари чемпионати: Афғонистон

Узоқ йил нотинчлик ўчоғига айланган Афғонистонда миллий биринчилик 2012 йилдан буён мунтазам ташкил этиб келинмоқда. Илк чемпионатда 8 ҳудуддан шунча жамоа иштирок этган. Мусобақа илк бор ўтказиши муносабати билан унга доир турли дастурлар ва кўнгилочар кўрсатувлар тақдим қилинган. Барча учрашувлар маҳаллий телеканал ва радио билан бир қаторда Афғонистон лигасининг "Youtube"даги расмий саҳифаси тўғридан-тўғри намойиш этилади. Премьер-лиганинг расмий сайти ҳам мавжуд: afghanpremierleague.com

Афғонистон премьер-лигасининг инстаграмдаги расмий саҳифасини 50 мингга яқин одам кузатиб боради.

Ҳозиргача "Шаҳин Асмайе" клуби уч бор олтин медалларга эга чиқди. Жорий мавсумда ҳам айнан ушбу клуб муваффақият қозонди.

8 жамоа чемпионатда 2 гуруҳга бўлинган ҳолда қатнашади. Гуруҳда бир мартадан тўқнаш келингач, юқори икки поғонани эгаллаган клублар ярим финалда курашни давом эттиради. Шу тариқа унда ғолиб номи аниқланади. Ҳозирча Афғонистон Премьер-лигаси шундай ўтказиб турилибди. Мамлакат чемпионати ташкил этилгунга қадар Қобул Премьер-лигаси асосий мусобақа вазифасини бажарган.

Афғонистон премьер-лигаси барча совриндорлари:

"Шаҳин Асмайе" (3 карра Афғонистон чемпиони, 1 марта вице-чемпион)
"Туфан Харируд" (1 карра Афғонистон чемпиони)
"Де Спин Гар Базан" (1 карра Афғонистон чемпиони)
"Симорг Алборз" (2 карра Афғонистон вице-чемпиони)
"Оқабан Хиндукуш" (1 карра Афғонистон вице-чемпиони)
"Де Маиванд Аталан" (1 карра Афғонистон вице-чемпиони)
"Мавжхаи Аму"
"Де Абасин Сапе"

Афғонистон премьер-лигаси барча мавсум тўпурарлари:
2012 - Ҳамидуллоҳ Карими - 9та гол
2013 - Ҳамидуллоҳ Карими, Ҳашматуллоҳ Баракзаи, Файёз Азизи - 7
2014 - Муҳаммад Ризо Ризойи - 6
2015 - Мустафа Афшар - 5
2016 - Амрруддин Шарифи