Осиё Кубогига бора олмаётган таркиб (фото)

Омон посбони кутилмаганда жароҳат олиб Осиё Кубогисиз қолиши табиийки бизни қувонтирди. Энди мусобақа давомида ҳудди шундай вазият Ўзбекистон билан такрорланмаслиги керак бўлади. Қатардаги турнирда Австралия билан ўйиндан олдин Нестеров жароҳат туфайли майдонга туша олмади. БААда энди бундай бўлмасин деб турамиз, чунки захирамиздаги икки нафар посбонда халқаро тажриба камлиги панд бериб қолиши мумкин. Нестеров эса ҳар қандай вазиятда ҳам бизнинг энди ишонган қўрғонимиз.
Виталий Денисов қаригани рост, ўйинлари ҳам аввалгидек эмас. Лекин бу ерда бошқа нарса бор. Футбол фақат майдонда ўйналмайди. Машғулотларда футболчиларни кайфиятини кўтариб турадиган Гейнрих энди йўқ. Виталик айнан шу ишни Купер учун бажариб бериши мумкин бўлган футболчилардан бири эди. Терма жамоа билан 15 йиллик стажга эга бўлган киши сифатида айта оламан, бу борада Денисов ёрдам бериши мумкин эди. Аслини олганда терма жамоамизда Ширшовдан кейин чап қанотда кейин ишончли ўйинчи чиқмади.

Гарчанд, Шерзод Аъзамов Австралиядаги машғулотларни ўтказиб юборган бўлсада, Туркияга тайёр эди. "Пахтакор"да ҳам мавсумни бир текисда ўтказа олди. Ҳудди шундай тарифни Рустам Ашурматовга нисбатан ҳам ишлатиш мумкин. Рустам балки ёш кўринаётгандир, лекин у ҳужумни ҳимоядан бошлашга усталигини мавсум давомида кўрдик.

Сардор Мирзаев нега Купер томонидан унутилди билмадим-у, лекин "Локомотив" футболчиси жамоани чемпион бўлишида жуда катта меҳнат қилди. У ҳужум бошлашни билади, олисдан кучли зарбалар бера олади, жамоадошини яхши кўра олади. Лекин у энди ТВ қаршисида ўйинларни кўради. Афсуски Азиз Ғаниев жароҳат олган, мен ундан Қатардаги Аҳмедовни кутаётгандим.

Осиё Кубогига бора олмаётган Ўзбекистон миллий терма жамоасининг рамзий терма жамоаси қуйидагича кўриниш олди, албатта бу менинг қарашим.

Дарвозабон: Элдор Суюнов
Ҳимоячилар: Виталий Денисов, Шерзод Аъзамов, Рустам Ашурматов, Шуҳрат Муҳамадиев
Ярим ҳимоячилар: Жавлон Иброҳимов, Сардор Мирзаев, Сардор Собирхўжаев, Азиз Ғаниев (жароҳат сабаб)
Ҳужумчилар: Темурхўжа Абдухолиқов, Игорь Сергеев.