Осиё Кубоги. Рашидовда энг кўп зарба, Нестеровдан 10та сейв

Ҳозирга қадар бўлиб ўтган 28 учрашувда жамоалар жами 73та гол уришди.

Австралия тўртта ўйинда 10та тўп киритди. Уммон, Қувайт ва Фаластин мусобақа давомида биттадан гол уришди.

Бугунга қадар жами футболчилар 243 марта аниқ зарба беришди. 303 бор зарба ноаниқ кўриниш олди. Ўзбекистон терма жамоаси мусобақа давомида жами 17 марта аниқ, 24 марта ноаниқ зарба берди. Терма жамоамиз сафида энг кўп зарбани Сардор Рашидов берди - 8та. Мусобақа давомида энг кўп зарбани япониялик Кейсуке Хонда берди - 17 марта.

Дарвозабонлар 168 марта берилган зарбадан сўнг тўпни қайтаришди. Игнатий Нестеров тўртта ўйинда жами 10та сейв қилди. Бу борада Мажид Носир биринчи ўринда. БААлик посбон тўртта ўйинда 17 марта сейв қилди.

Ҳакамлар дастлабки бугунга қадар жами 100 марта сариқ ва 4 бор қизил карточкани ишга солишди. Ўзбекистон терма жамоаси сафида Анзур Исмоилов ва Виталий Денисов икки мартадан огоҳлантирилди.


Нарзулла Сайдуллаев