Осиё Кубоги. Кейруш Сардор Азмунни ван Нистелройга ўхшатди
16 jan 2015 04:44
News

Осиё Кубоги. Кейруш Сардор Азмунни ван Нистелройга ўхшатди

Кеча "С" гуруҳи иштирокчиси Эрон Қатар термасига қарши майдонга тушиб, 1:0 ҳисобида ғалаба қозонди. Ўйиндаги ягона гол 52-дақиқада ёш ҳужумчи Сардор Азмун томонидан киритилди.

Ўйиндан кейин форслар устози Карлуш Кейруш интервью берар экан, 20 ёшли футболчининг ҳаракатларидан мамнун эканлигини айтиб ўтди: "Азмун жуда чиройли тўп киритди. У бир пайтлар мен билан МЮда бирга ишлаган Рууд ван Нистелройга ўхшаб кетяпти. Сардор Азмун - келажаги буюк ҳужумчи. У ҳали кўп гол уради".

"Қатар билан кечган баҳс ҳақида нима дейишим мумкин? Бизда имкониятлар кўп бўлди. Охирги 15-20 дақиқа ичида саккизта қарши ҳужум ташкил қилдик, лекин тўп кирита олмадик. Мен Ризо Гучаннажоддан ҳам гол кутгандим, аммо у бир нечта имкониятни кўкка совурди. Афсуски, Сардор Азмун майдонни бироз жароҳат билан тарк этди. Энди БАА билан охирги ўйинда майдонга тушадими-йўқми, бир нарса дея олмайман".

Link :

Source : championat.asia

Receive latest football news directly on your phone. Subscribe for our Telegram channel!

Rating: