Осиё Кубоги-2019. Ўзбекистонлик ҳакамлар эртага БААга йўл олишади
29 dec 2018 15:22
News
![](https://championat.asia/upload/storage/469276_original.jpg)
![](/upload/storage/469276_220.jpg)
Осиё Кубоги-2019. Ўзбекистонлик ҳакамлар эртага БААга йўл олишади
Мазкур мусобақада рекорд даражадаги ҳакамлар гуруҳи иш олиб бориши ҳақида аввал хабар бериб ўтгандик. Жумладан, ОФК ушбу мусобақага 5та ҳудудига кирувчи жами 19та мамлакатдан 60 нафар ҳакамни таклиф қилган. Шулардан 30 нафар бош ҳакамлар бўлса, яна 30 нафари рефери ассистентларидир.
Ўзбекистондан Осиё Кубогида қуйидаги ҳакамлар ишлашга таклиф этилган:
Равшан Эрматов (Бош ҳакам)
Валентин Коваленко (Бош ҳакам)
Ильгиз Танташев (Бош ҳакам)
Жаҳонгир Саидов (Ёрдамчи ҳакам)
Абдуҳамидулло Расулов (Ёрдамчи ҳакам)
Ўзбекистонлик ҳакамлар эртага Бирлашган Араб Амирликларига йўл олишади. Улар у ерда мусобақага тайёргарликни давом эттиришади. Ўзбекистонлик ФИФА ва ОФК инструктори Фарҳод Абдуллаев ҳам мусобақада фаолият олиб бориш учун таклиф этилган бўлиб, у бугун Дубай шаҳрига учиб кетади.
Юртдошларимизга Осиё Кубоги мусобақасида омад ёр бўлишини тилаб қоламиз!
Similar news
![AMP Logo](https://championat.asia/image/logo-amp.png)
Comments