Осиё Кубоги-2015. Ироқда бош мураббий ўзгарди

Мусобақа иштирокчиларидан бири Ироқ терма жамоасида бош мураббий ўзгарди. Шу пайтгача “Қатар СК” клубини бошқариб келган Радхи Шенайшил  терма жамоанинг янги мураббийи этиб тайинланди.

Шуни иайтиш лозимки, бу мураббий ҳозирча клубдан кетгани йўқ, фақат ижара асосида Осиё Кубоги учун ироқликларни бошқарадиган бўлди. Мусобақа якунига етганидан сўнг Радхи Шенайшили яна клубга қайтиб, ўз ишини давом эттиради.

Мураббий бунгача Ироқ олимпия термасида ҳам фаолият олиб борган. Қатарга келганидан сўнг эса сентябрь ойининг “Энг яхши мураббийи” деб топилган.

Эслатиб ўтамиз, Ироқ терма жамоаси “D” гуруҳида Япония, Фаластин ва Иорданияга қарши баҳс олиб боради.