Осиё чемпионати (U-22) олдидан. Сардор Рашидов: "Биринчи ўйиндаги натижа финалдек муҳим"

"Биздан мухлислар чемпионликни кутмоқда ва биз шунга эришишимиз керак. Бизга билдирилган ишончни оқлаш учун сўнгги сониягача ва охиригача курашамиз. Барчамизда мақсад битта ва қўлга киритишимиз керак бўлган барчасига эга чиқмоқчимиз" - дея айтиб ўтади Сардор Рашидов.

- Терма жамоамизнинг рақиблари  ва бизни имкониятни қандай баҳолар эдингиз?
- Гуруҳимиз бошқа барча гуруҳларга қараганда кучлироқ. Биз Хитой ва Ироқ жамоаларини ўрганиб чиққанда шунга амин бўлдик. Жамоалар ҳақида етарлича маълумотлар олдик. Бизнинг терма жамоа гуруҳдаги ҳеч қайси термадан кучсиз эмас. Бутун чемпионат бўйича оладиган бўлсак Эрон, Япония жамоалари яхши шаклланган жамоалардан ҳисобланади. Имконият ҳаммада тенг.

- Сиз ушбу чемпионатдан нималарни кутмоқдасиз?
- Ўзим учун биринчи навбатда халқаро майдондаги биринчи медалларга эга чиқишни. Бунинг учун албатта терма жамоамиз ғалабалар қозониши керак. Шу боис ҳамжиҳатлик энг асосий жиҳатлардан бири. Албатта биринчи ўйиндаги натижа биз учун финалдек муҳим. Руҳиятни кўтариш учун ҳам фақат ғалаба керак.

Ҳумоюн Давуров суҳбатлашди