Осиё чемпионати (U-16). Қитъамиздан ЖЧ-2019га борадиган 4 жамоанинг номи маълум!
02 oct 2018 00:17
News

Осиё чемпионати (U-16). Қитъамиздан ЖЧ-2019га борадиган 4 жамоанинг номи маълум!

Малайзияда 16 ёшгача бўлган футболчилардан иборат терма жамоалар иштирокида Осиё чемпионати давом этмоқда.

Якунига етган чорак финал учрашувларидан сўнг Осиё қитъасидан ЖЧ-2019 финал босқичида иштирок этадиган 4та омадли терма жамоанинг номи маълум бўлди. Япония ва Тожикистондан сўнг Жанубий Корея ва Австралия ўсмирлар терма жамоалари ҳам мундиал чиптасини қўлга киритишди.

Яшил қитъа вакиллари чорак финалда Индонезиядан 3:2 ҳисобида устун келишди. Кореяликлар эса муросасиз баҳсда ҳиндистонлик тенгқурларини 1:0 ҳисобида мағлуб этишди. Пайшанба куни ўтказиладиган ярим финалда Австралия - Япония, Тожикистон - Жанубий Корея жуфтликлари финал йўлланмаси учун майдонда саф тортишади.

Маълумот учун, ўсмирлар (U-17) ўртасидаги Жаҳон чемпионатининг финал босқичи 2019 йили Перу давлатида бўлиб ўтади.