Осимхен ва Кварацхелия сотиладими? Клуб президенти жавоб берди

Бундан аввал у Неаполь клубининг асосий ўйинчилари Виктор Осимхен ва Хвича Кварацхелия жамоани тарк этмаслигини ишонч билан таъкидлаётган эди.

Ҳозирда Европада "ёндираётган" жамоа "Наполи" бўлиб турибди. Клуб Италия А Сериясида пешқадамлик қилмоқда ва иккинчи ўриндаги "Интер"дан нақд 15 очко олдинга ўтиб кетди. Лучано Спаллетти шогирдлари Чемпионлар Лигаси ним чорак финал босқичи бирнчи ўйинида "Айнтрахт" Франкфуртни 2:0 ҳисобида енгди.

Итальян клубининг икки юлдузи келажаги мамлакат матбуоти асосий мавзусига айланиб қолди. Клуб президенти аввалроқ уларнинг сотилмаслиги маълум қилган эди. Бироқ унинг "TNT Mexico"га берган интервьюсидан кейин баъзи нарсалар ўзгаргандек:

"Мен шартномалар тузишни жуда яхши биламан, шунинг учун Осимхен ва Кварацхелиянинг бу ерда сақлаб қолиш унчалик қийин эмас. Бироқ ҳеч қачон ҳеч қачон деманг. Баъзида шундай таклифлар бўладики, уларни рад этиб бўлмайди. Шунинг учун олдиндан ҳеч нарса айта олмаймиз".