Ўртоқлик учрашуви. Саудия Арабистони Грецияни мағлуб этди, кейинги рақиб Италия

Испаниянинг Севилья шаҳрида ўтган беллашувда араблар 2:0 ҳисобида ғалаба қозонишди. Биринчи бўлимда Салим Ал Давсари ҳисобни очган бўлса, баҳс тугаши арафасида Муҳаммад Каноо якуний натижани ўрнатди.

Хуан Антонио Пицци шогирдлари 9 май куни Кадис шаҳрида Жазоир терма жамоасини 2:0 ҳисобида мағлуб этган эди. Саудия Арабистони ЖЧ-2018 бошлангунига қадар яна учта ўртоқлик учрашуви ўтказишади:

28 май Италия (Швейцарияда)
3 июнь Перу (Швейцарияда)
8 июнь Германия (Германияда)

Эслатиб ўтамиз, Саудия Арабистони 14 июнь куни ЖЧ-2018 очилиш учрашувида Россия билан ўйнайди. Унинг гуруҳида Уругвай ва Миср терма жамоалари ҳам бор.

15 май. Испания. Севилья. "Олимпия" стадиони.
Саудия Арабистони - Греция 2:0
Бош ҳакам: Карлос Дель Серро (Испания)
Голлар: Салим Ал Давсари 19, Муҳаммад Каноо 79

Саудия Арабистони: Ёсир Ал Мусайлим, Осама Ҳавсави, Ёсир Ал Шаҳрони, Омар Ҳавсави (Али Албулайҳи, 63), Муҳаммад Ал Бурайк (Саид Ал Мувалад, 86), Тайсир Ал Жассим (Муҳаммад Каноо, 63), Яҳё Ал Шеҳри, Салмон Ал Фараж, Салим Ал Давсари, Абдуллоҳ Отайф (Абдулмалик Ал Ҳайбари, 82), Муҳаммад Ал Саҳлави (Фаҳад Ал Муваллад, 72)

Греция: Баркас (Жианниотис, 46), Жианноулис, Рисванис, Николаоу, Циолис (Андроутсос, 71), Тахцидис, Бакакис, Пелкас (Мандолас, 60), Бакесетас (Галанапулос, 90+2), Маниас (Кулурис, 60), Лимниос (Ламбропулос, 46)

Четлатиш: Жианноулис 43