Ориф Мамажонов: "Кейинги босқичда қайси жамоа тўғри келишнинг фарқи йўқ"

- Бугун биз учун муҳим бўлган баҳсда ўзимиз учун керакли натижани қўлга киритганимиздан хурсандман. Шунча мағлубиятлардан кейин биз албатта  муҳлисларимизни хурсанд қилишимиз шарт эди. Ўйин иссиқ ҳаво бўлгани учун бироз қийин бўлди. Энди кейинги босқичда қайси жамоа тўғри келишини фарқи йўқ. Ҳамма билан ҳам ўйнаса бўлади.
Жамоамиз ўйинида бугун таркиб ва тактик схемаларда ўзгаришлар бўлди. Бу менимча ўз самарасини кўрсатди.

Мураббийлар штабида ўзгариш бўлганидан кейин илк ўйинда менга имкон беришди. Олдинги мураббийимиз билан ҳам муносабатларимиз яхши эди. Балки у кишининг тактикаларига мени ўйиним тўғри келмагандир.  Энди бу учрашувни унутган ҳолда “Локомотив” билан бўладиган ўйинга тайёргарликни бошлаймиз, - дейди Мамажонов.

"Қўқон-1912" матбуот хизмати