“Оқ-тепа”: Назорат учрашувида “Тошкент”га ютқаздик

Тошкент вилояти биринчилигининг (2-лига) 2013 йилги чемпиони “Тошкент” жамоасига қарши майдонга тушган “Оқ-тепа” 1:2 ҳисобида имкониятни бой бериб қўйди. Бош мураббий Александр Токов мазкур учрашувда ёшларга ва асосий таркибга кира олмаётган футболчиларга имконият берди. Сабаби, жума куни бош жамоа Ўзбекистон Биринчилигининг 2-босқич 11-тур учрашувида “Аланга”га қарши сафарда майдонга тушади. Шу боис, асосий таркиб ўйинчиларига дам берилди.
 
Шундай бўлса-да, меҳмонлар дарвозасини ишғол қилиш учун етарлича имкониятга эга бўлдик. Айниқса, иккинчи бўлимда. Аммо биринчи бўлимда ўтказиб юборилган икки гол мағлубиятимизга етарли бўлди. “Тошкент”нинг икки голига иккинчи бўлимда захирадан майдонга тушган Маъруф Аҳмаджонов бир тўп билан жавоб қайтарди.
 
Назорат учрашуви
“ОҚ-ТЕПА” – “ТОШКЕНТ” – 1:2 (0:2)
1 октябрь. Тошкент. “Оқ-тепа” стадиони
Гол: Маъруф Аҳмаджонов.