"Оқ-тепа” - “Аланга” учрашувидан кейинги фикрлар

“Оқ-тепа” – “Аланга” учрашуви якунлангач майдон эгалари бош мураббийи Александр Токовнинг беллашув ҳақидаги фикрлари билан қизиқдик.

– Аввалги учрашувларга нисбатан бугун яхшироқ ўйин намойиш қилдик. Айниқса, вазиятлардан фойдаланиш борасида коэффициентимиз ошди. Тўғри, “Аланга” дарвозаси олдида яратилган барча хавфли ҳужумларни голга айлантирганимиз йўқ, аммо олдинги беллашувларда бўлгани сингани ҳаммасини кўкка ҳам совурмадик. Бугунги ғалаба футболчиларнинг руҳий тайёргарлиги ҳамда иштиёқи эвазига қўлга киритилди деб ҳисоблайман.

“Оқ-тепа” – “Аланга” учрашуви якунлангач меҳмонлар устози Дилшод Андаевнинг беллашув ҳақидаги фикрлари билан қизиқдик.

– Бугун меҳмонда ғалаба қозониш учун етарли имкониятларга эга бўлдик. Аммо вазиятлардан фойдалана олмадик. Оқибатда мағлубиятга учрадик. Ваҳоланки, бугун ғалабага лойиқ ўйин намойиш қилгандик.

Шогирдларим сунъий чимда доимий равишда ўйнаб юрмагани боис, майдонга мослашишимиз ҳам бироз қийин кечди. Мағлубиятимизга бу ҳам қайсидир маънода сабаб бўлди. “Оқ-тепа” ўз майдонида унча-бунча рақибга очко бермаслигини билардим, лекин айтишим мумкин, бугун биз мезбонларга нисбатан яхшироқ ўйин намойиш қилдик. Бироқ ўзимизнинг хатолар сабабли ютқаздик.