“Оқ бўрилар”нинг пойтахтдаги йиғини бошланди

Бу Мухтор Қурбонов жамоаси учун тайёргарликнинг иккинчи босқичи ҳисобланади. Бунга қадар “Шўртан” футболчилари Ғузордаги ўз қароргоҳларида машғулот ўтказишди. Эндиги жараёнлар Тошкентга кўчди.

Жамоа 7 февралга қадар тайёргарликни давом эттиради. Бу орада “Пахтакор” (28 январь), “Бухоро” (30 январь), “Локомотив” (2 февраль), “Металлург” (5 февраль) ва “Сўғдиёна” (7 февраль) каби жамоалар билан синов-назорат учрашувлари ўтказилади. Шундан сўнг, футболчиларга қисқа муддатли дам берилади. Кейинги босқич машғулотлар ҳам 11 февралдан бошлаб Тошкентда давом эттирилади.  

"Шўртан" клуби матбуот хизмати.