О'Нил Шимолий Ирландия билан 6 йиллик шартнома имзолади
11 feb 2018 09:36
News

О'Нил Шимолий Ирландия билан 6 йиллик шартнома имзолади

Шимолий Ирландия терма жамоаси бош мураббийи Майкл О'Нил ўз лавозимида ҳали узоқ вақт қоладиган бўлди.

Бир муддат аввал О'Нилнинг Шотландия терма жамоасида иш бошлаши ҳақида хабарлар тарқаганди. Лекин Майкл Шимолий Ирландия футбол федерацияси билан амалдаги шартномасини 2024 йилгача узайтириб, бу гап-сўзларга барҳам берди.

Эслатиб ўтамиз, О'Нил бошчилигидаги Шимолий Ирландия терма жамоаси ЖЧ-2018 финал босқичига чиқишга жуда ҳам яқин келганди. Улар плей-офф босқичида икки ўйин натижасига кўра 0:1 ҳисобида Швейцария терма жамоасига имкониятни бой бериб қўйишганди.