"Олтин тўп-2013" топшириш маросими якунланди

Маросим тафсилотлари билан мана шу саҳифада танишиб боришингиз мумкин бўлди. 

Саҳифа тагида маросим олди фотолар бериб борилмоқда.

Диққат 2013 йилги рамзий терма жамоаси эълон қилинди:
Мануэл Нойер, Филип Лам, Серхио Рамос, Тиаго Силва, Даниел Алвес, Хави, Франк Рибери, Андрес Иньеста, Криштиану Роналду, Златан Ибрагимович, Лионель Месси.

ФИФА президенти Зепп Блаттер нутқ сўзламоқда. 2013 йилги ФИФА президенти соврини собиқ Миллий олимпия қўмитаси раҳбари Жак Рогега топширилди.

Саҳнага бразилиялик фотомодел Адриана Лима, ФИФА бош котиби Жером Вальке, ЖЧ-2014 ташкилий қўмитаси вакили Роналдо, Бразилия терма жамоаси ҳужумчиси Неймар таклиф этилди. Бошловчилар уларга ўзларини қизиқтирган саволлар билан мурожаат қилишди.

2013 йил аёллар футболидаги энг яхши мураббийи деб Германия терма жамоаси бош мураббийи Силвия Найт топилди. Унга Рафль Келлерман ва Пия Сундхаги рақобатчилик қилганди.

2013 йилнинг энг яхши мураббий деб кутилганидек "Бавария" собиқ устози Юпп Хайнкес тан олинди. Унга Алекс Фергюсон ва Юрген Клопп рақиблик қилишганди.

Пеле, Амрилдо ва Кафу саҳнага таклиф этилишди. Уларнинг барчаси Бразилия сафида турли йилларда Жаҳон чемпиони бўлишган.

ФИФА 2013 йилги "Fair Play" соврини Афғонистон Футбол Федерациясига топширилди. Ушбу давлат Футбол Федерацияси президенти Керамуддин Карим совринни қабул қилиб қолди. Эслатиб ўтамиз, 2012 йил бу совринни ЎФФ қўлга киритганди.

Навбат "Ференц Пушкаш" номидаги йилнинг энг чиройли голига етиб келди. Уни Венгрия бош вазири Виктор Орбан ва Бразилия терма жамоаси посбони Жулио Сезар Швеция терма жамоаси ва ПСЖ клуби ҳужумчиси Златан Ибрагимовичга топширишди.

ФИФА президенти ҳамда "France Football" бош муҳаррири Пелега "Олтин тўп"ни топширди. Бу соврин унга футбол олдидаги хизматлари учун берилди.

Аёллар ўртасида германиялик Надин Ангерер 2013 йилнинг энг яхши футболчиси деб топилди. Унга совринни Зепп Блаттер ва Миа Хамм топширди. Ангерерга Марта ва Абби Вамбах рақобатчилик қилишди.

2013 йилги "Олтин тўп" Криштиану Роналдуга топширилди! Футболчи ҳаяжондан қувонч кўз ёшларини яшира олмади. 

Шу билан маросим якунланди. Сиз билан икки соат давомида Нарзулла Сайдуллаев бирга бўлди.