"Олмалиқ" - "Ворскла" (Украина) 0:2

Йиғиннинг сўнгги кунида жамоамиз аввал хабар бериб ўтганимиздек, Украина олий лигаси вакили "Ворскла" билан ўртоқлик ўйини ўтказди. Биринчи таймда муросага келган жамоамиз, иккинчи таймда ўз дарвозасидан икки марта тўп ўтказиб юборди. Бу баҳсда жамоамиз қуйидаги таркибда майдонга тушди.

"Олмалиқ": Мақсатмурод Шомуродов, Обид Жўрабоев, Александр Алемпиевич, Дарко Станоевич, Абдуқаҳҳор Ҳожиакбаров, Иқбол Акрамов, Шакер Зауги, Достон Абдураҳмонов, Дилявер Абибуллаев, Зоҳир Пиримов, Шерзод Ҳакимов.

Захирадан майдонга тушганлар: Санжар Шоаҳмедов, Диёржон Туропов, Зафар Полвонов, Сухроб Бердиев.

Шавкат Муллажонов терма жамоа ихтиёрига етиб келган бўлса, Тимур Кагиров, Сарварбек Жўраев, Умид Хонимқулов, Никита Шквирин бу ўйинда захирада қолди. Азамат Исроилов кичик жароҳат сабаб ўйинни ўтказиб юборди.

Жамоамиз аъзолари эртага кечки пайт Истанбул-Тошкент йўналишида юртимизга қайтиб келади.

Режага кўра 8 март куни Наманганнинг "Навбаҳор" жамоаси билан ўртоқлик ўйини ўтказилади.