"Олмалиқ": "Пюник" билан ўйинда устунлик, аммо натижа...
18 feb 2014 01:24
News

"Олмалиқ": "Пюник" билан ўйинда устунлик, аммо натижа...

Бугун "Олмалиқ"нинг асосий таркиб жамоаси хориж йиғинида илк назорат ўйинини ўтказди.

Арманистоннинг "Пюник" жамоаси билан ўйинда устунлик тўлиқ олмалиқликлар томонида бўлсада, яратилган вазиятларни голга айлантиришда муаммо кўзга ташланди.

Марказий ҳимоячи Дарко Станоевичнинг жароҳат сабаб бу ўйинни ўтказиб юбориши натижасида Обид Жўрабоев марказий ҳимояда тўп сурди. Рақиб жамоа ҳар бир хатодан унумли фойдаланди дейиш мумкин. 1:3 ҳисобида якунланган ўйинда жамоамиздан голни Зафар Полвонов киритди.

У жарима майдонида қўполлик билан тўхтатилди. Пенальтини жабрланувчининг ўзи аниқ амалга оширди.

Учрашувда жамоамиз қуйидаги таркибда тўп сурди: Никита Шквирин, Азамат Исроилов, Обид Жўрабоев, Шавкат Муллажонов, Абдуқаҳҳор Ҳожиакбаров, Иқбол Акрамов, Достон Абдураҳмонов, Дилявер Абибуллаев, Сухроб Бердиев, Зоҳир Пиримов, Шерзод Ҳакимов.

Захирадан майдонга тушганлар: Мақсатмурод Шомуродов, Умиджон Хонимқулов, Зафар Полвонов, Санжар Шоаҳмедов, Александр Алемпиевич, Тимур Кагиров, Сарварбек Жўраев, Диёржон Туропов.

Жамоамиз навбатдаги ўйинни 20 февраль куни Қозоғистоннинг "Иртиш" жамоасига қарши ўтказиши режалаштирилган.

Link :

Source : fc-olmaliq.uz

Receive latest football news directly on your phone. Subscribe for our Telegram channel!

Rating: