"Олмалиқ": Биринчи давра якунлари
28 jun 2017 13:06
News

"Олмалиқ": Биринчи давра якунлари

Жорий мавсумда Ўзбекистон миллий чемпионатида ўнинчи марта иштирок этаётган жамоамизнинг биринчи даврада қайд этган натижаларини қониқарли дейиш мумкин.

“Олмалиқ” жамоаси раҳбарияти ва мураббийлар штабида мавсум арафасида катта ўзгаришлар амалга оширилди. Жамоага россиялик мутахассис Виктор Кумиков бош мураббий этиб тайинланди. Янги мавсумга ҳозирлик 2016 йилнинг декабридан бошлаб юборилди. Жамоа аъзолари дастлаб Тошкентда ўқув-машғулот йиғинларини ўтказишди. Кейинги икки йиғин Туркиянинг Анталия шаҳрида бўлиб ўтди.

Жамоа мураббийлар штаби билан биргаликда кўпгина футболчилар ҳам жамоани тарк этишди. Таркиб деярли 90%га янгиланди. “Олмалиқ”нинг хорижий йиғинлари режалаштирилганидек ўтди. Бир кўринишда жамоа мавсумга шай ҳолатда эди. Афсуски, бу дастлабки турларда ўз натижасини бермади. Дастлабки 4 турда 1 очко жамғарган жамоамиз турнир жадвалида сўнгги поғонани банд этиши кўпчиликни ҳайрон қолдирди. 4-турда Тошкентда “Локомотив”дан йирик 0:5 ҳисобида енгилган жамоамиз кейинчалик ирода намойиш эта олишди. Жорий мавсумнинг дастлабки ойида қайд этилган манфий кўрсаткичлар ўрнини тез орада ижобий натижалар эгаллай бошлади.

Биринчи давра якунига кўра жамоамиз 24 очко жамғарган ҳолда тўртинчи ўринни банд этишган. Бунга жамоа аъзолари ҳамжиҳатликда ва тинимсиз машғулотлар ўтказиш орқали эришишди, десак асло муболаға бўлмайди. Тўғри жамоа бу мавсумда рақиб дарвозасига жуда кам гол урмоқда. Бироқ улар ўз дарвозалари дахлсизлиги борасида ҳам яхши кўрсаткичга эгалар. “Олмалиқ” чемпионатнинг охирги 11 ўйинида ўз дарвозасидан 2та тўп олиб чиқди. Рақиблар дарвозаси эса 10 марта ишғол этилди.

Жамоанинг шу кунга қадар мағлубиятси серияси 7 ўйиндан иборат эди. Ҳозирда бу кўрсаткич 11 ўйинга етди. Умид қиламизки, иккинчи даврада бу натижа янада яхшиланади. Шунингдек, “Олмалиқ” жорий мавсумда ўз дарвозасидан тўп ўтказиб юбормаган ягона жамоа бўлиб турибди. 7 ўйинда 4 ғалаба, 3 дуранг, тўплар нисбати 6-0.

Жамоа шарафини ўтказилган 15 учрашувда 20 футболчи ҳимоя қилди. Футболчиларнинг умумий статистикаси эса қуйидагича:

Олий лига 2017. “Олмалиқ” футболчилари статистикаси

№	Футболчи	Амп.	Туғилган санаси	Ўйин	Дақиқа	Гол	СК	ҚК
55	Раҳматулло Бердимуродов	Ҳим.	24.10.1987	15	1350	1	3	0
17	Камолиддин Мурзоев	Ҳуж.	17.02.1987	15	1210	2	3	0
2	Абдуқаҳҳор Ҳожиакбаров	Ҳим.	18.07.1989	15	1287	0	2	0
19	Ислом Иномов	Ҳим.	30.05.1984	14	1260	1	5	0
88	Игорь Йелич	Я.ҳим.	28.12.1989	14	1260	2	4	0
18	Шавкат Муллажонов	Ҳим.	18.01.1986	14	1260	1	1	1
5	Дилшод Жўраев	Я.ҳим.	21.04.1992	13	1169	1	4	0
90	Владислав Касминин	Ҳим.	17.01.1990	13	1170	2	3	0
8	Шота Григалашвили	Я.ҳим.	21.06.1986	11	566	0	2	0
10	Шоҳназар Норбеков	Я.ҳим.	18.07.1994	11	571	0	2	0
9	Забиҳилло Ўринбоев	Ҳуж.	30.03.1995	11	382	1	0	0
46	Хуршид Ходжаев	Дар.	14.02.1988	11	990	0	1	0
7	Алибобо Раҳматуллаев	Я.ҳим.	08.02.1991	10	206	0	0	0
15	Фарҳод Мусабеков	Я.ҳим.	03.01.1994	9	631	0	0	0
11	Виктор Клишин	Ҳуж.	15.12.1982	7	45	0	0	0
21	Ғулом-Ҳайдар Ғуломов	Я.ҳим.	21.12.1990	6	391	0	1	0
77	Муҳаммад Исаев	Я.ҳим.	01.09.1994	5	294	0	2	0
94	Хуршид Мухторов	Ҳим.	09.02.1994	5	390	0	0	0
45	Акбар Тўраев	Дар.	27.08.1989	4	360	0	0	0
33	Дониёр Усмонов	Ҳуж.	07.06.1994	4	58	0	0	0