"Олмалиқ" Анталия йиғинини ғалаба билан тугатди

Жамоага бу гал Норвегия 2-дивизиони вакили "Орн-Хортен" жамоаси рақиб бўлди. Учрашув 2:0 ҳисобида жамоамиз ғалабаси билан якун топди. 45-дақиқада Адриан Кашкавал, 67-дақиқада Зоҳир Пиримов рақиб дарвозасини ишғол этди. Биринчи таймда ҳакам қарорига эътироз билдирган Евгений Гоголь қизил карточка билан жазоланди. Келишувга кўра унинг ўрнини Адриан Кашкавал тўлдирди.

Учрашувда "Олмалиқ" қуйидаги таркиб билан иштирок этди.

"Олмалиқ": Никита Шквирин, Ислом Иномов, Евгений Гоголь (Адриан Кашкавал, 23), Сарвар Жўраев, Абдуқаҳҳор Ҳожиакбаров, Жаҳонгир Абдумўминов (Дониёр Исмоилов, 75), Саламат Қутибоев, Азамат Исроилов (Зоҳир Пиримов, 46), Камолиддин Мурзоев (Арслонмурод Омонов, 65), Муҳаммад Исаев (Никита Павленко, 46), Неманья Йованович (Ислом Исоқжонов, 69).

Бироз бетоблиги сабаб, Шавкат Саломов, Диёр Туропов ва Ғулом Ўруновлар бу баҳсда иштирок этишмади.

Анталияда 15 февралдан бошланган ўқув-машғулот йиғини давомида "Олмалиқ"  6 учрашув ўтказди. 3 ғалаба, 2 дуранг ва 1 мағлубият. Тўплар нисбати - 8:6. Жамоамиз аъзолари эртага юртимизга қайтишади. Жамоа 3 мартдан Олмалиқ шаҳрида тўпланади ва чемпионатга тайёргарликни давом эттиради.