Latest news

23:23Сергей Лушчан: "Мавсум аввалида бизда аниқ бир мақсад йўқ эди, ҳозир эса... Футболчимизда хориждан таклиф бор"  1 22:50Уильямсни сотиб олса ҳам "Барселона" Рэшфордни трансфер қилишга уриниб кўради  5 22:31Фарҳод Нишонов: "Бир нечта футболчиларимизда Суперлигадан клубларидан таклифлар бор"  0 22:13Асрор Алиқулов: "Чарчоқ ёки иссиқ ҳаво деган гаплар қуруқ баҳона. Ҳар бир учрашув ҳам ўхшайвермайди"  3 21:57Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди  68 21:21ПроЛига. "Олимпик Мобиуз" "Олимпик" дарвозасига жавобсиз 4та гол урди ва пешқадамликни қўлига олди  1 20:55Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!  67 20:16Тер Штеген "Барселона"да қолмоқчи  0 19:58Бобир Абдихолиқов "Келажак бунёдкори" медали билан мукофотланди  7 19:35"Милан" "Торино" футболчисини сотиб олади  1 18:51Клопп клублар ўртасидаги ЖЧ форматини жиддий танқид қилди  6 18:32Хаби Алонсо "Ювентус"га қарши ўйин ҳақида: "Уларнинг "Манчестер Сити"га қарши ўйини ҳеч нимани англатмайди"  6 17:45"Милан" 3 футболчини сотиб олмади ва жамоасига қайтариб юборди  0 17:20"Штутгарт" футболчисини 100 млн еврога баҳоламоқда, "Бавария" эса 50 миллионга  0 16:51"Пахтакор" Қаршида сўнгги дақиқаларда иккита гол уриб, мағлубиятдан қутулиб қолган учрашувдан ГАЛЕРЕЯ  4

Олий суд жамоаси футбол бўйича “Бош вазир кубоги” соҳиби! News

Олий суд жамоаси футбол бўйича “Бош вазир кубоги” соҳиби!

18 – 27 октябрь кунлари оралиғида Ўзбекистон Республикаси Жисмоний тарбия ва спорт вазирлиги ташаббуси билан вазирликлар, идоралар, хўжалик бирлашмалари, йирик корхоналар ва ташкилотларнинг марказий аппарати ходимлари ўртасида футбол (эркаклар) ва волейбол (аёллар) бўйича “Бош вазир кубоги” мусобақалари ташкил этилди.

Унда қатнашиш учун мамлакатимизда фаолият олиб бораётган 148 та вазирлик, идора, хўжалик бирлашмалари, йирик корхона ва ташкилотларга хат юборилган эди. Якунда эркаклар ўртасидаги футбол мусобақаларида қатнашиш учун 64та жамоа талабнома тақдим этган бўлса, волейбол мусобақаларида иштирок этиш истагини билдирган жамоалар сони эса 11тани ташкил қилди.

Мазкур мусобақанинг футбол баҳслари “Бунёдкор” футбол академиясига қарашли футбол майдонларида ўтказилган бўлса, финал учрашувига мамлакатимизнинг бош аренаси – “Миллий” стадион мезбонлик қилди.

Аёллар ўртасидаги волейбол мусобақалари эса Ўзбекистон давлат жаҳон тиллари университети спорт мажмуасида ташкил этилди. Хусусан, аёллар ўртасида ташкил этилган волейбол баҳсларида “Ўзбекистон темир йўллари” АЖ жамоаси ғалаба қозонган бўлса, эркаклар ўртасида ўтказилган футбол баҳслари финалида "Ўзбектелеком” жамоасини 1-0 ҳисобида мағлуб этган Олий суд жамоаси "Бошг вазир кубоги"га эга чиқди. 

Илк маротаба ташкил этилган "Бош вазир кубоги" мусобақалари ғолибларини такдирлаш маросимида Ўзбекистон Республикаси Бош вазири ўринбосари Азиз Абдуҳакимов иштирок этди ва мусобақа иштирокчиларини самимий муборакбод этди.

Шуни таъкидлаш керак, мазкур мусобақаларга 1 500 (бир ярим минг) нафарга яқин ходимлар жалб этилди. Эҳтимол бу рақам у қадар салмоқли бўлиб кўринмас, бироқ мана шу 1 500 минг нафарга яқин инсон “Бош вазир кубоги” мусобақалари баҳона соғлом турмуш тарзига ошно тутинди, ўз саломатлигини мустаҳкамлашга интилди. Зеро, мазкур спорт мусобақаларини ташкил этишдан кўзланган бош мақсад ҳам аслида шу эмасмиди?!

Қизғин ва муросасиз, энг муҳими – дўстона руҳда ўтган мусобақа якунида ғолиб ва совриндорлар ташкилотчилар томонидан медаль, диплом, кубок ҳамда қимматбаҳо эсдалик совғалари билан тақдирланди. Шунингдек, турли номинациялар бўйича ҳам энг муносиблар алоҳида эътироф этилди.

Қайд этиш лозим, Ўзбекистон Республикаси Президенти Шавкат Мирзиёев раҳбарлигида 2019 йил 4 сентябрь куни ўтказилган 2020 йилда Япониянинг Токио шаҳрида бўлиб ўтадиган Олимпиада ўйинларига тайёргарлик кўриш, оммавий спорт ва жисмоний тарбияни ривожлантириш бўйича олиб борилган ишлар натижадорлиги ва бу борада амалга ошириладиган долзарб вазифалар тўғрисидаги видеоселектор мажлисида вазирлик, идора, хўжалик бирлашмалари, йирик корхоналар ва ташкилотлар ходимлари ўртасида турли оммавий маданий ва спорт тадбирлари, шу жумладан “Бош вазир кубоги” мусобақасини ўтказиш вазифаси юклатилган эди.

Жисмоний тарбия ва спорт вазирлиги Матбуот хизмати

Rating: -1   

Comments

championat.asia
< show latest news
Яндекс.Метрика