Олий лига. "Пахтакор" Бекободда мағлубиятга учради

Бекободдаги ўйин томонларнинг қарама қарши ҳужумлари билан бошланди. Биринчи зарбани “Пахтакор” ҳужумчиси Жалолиддин Машарипов амалга оширди. Аммо зарба ишончли чиқмади. 9-дақиқада Мирғиёс Сулаймонов Александр Лобанов ҳушёрлигини синаб кўрди. Дарвозабон тўпни майдон ташқарисига чиқариб юборди. Ўйиннинг 23-дақиқасида ҳисоб очилди. Ўнг қанотдан Жавоҳир Эсонқуловнинг ошириб берган тўпини Муроджон Тошматов ўткир бурчак остида дарвоза тўрига туширди – 1:0.

25-дақиқада пахтакорчилар жарима зарбасини амалга оширди. Жалолиддин Машарипов тепган тўп жонли деворга тегиб қайтди. 69-дақиқада жарима зарбасидан оширилган тўпни Ислом Қобилов дарвозага йўллади - 2:0.

16:45 - «Металлург» (Бекобод) – «Пахтакор» (Тошкент) 2:0
Ҳакамлар: Ш. Қосимов (Тошкент), Ф. Ёрмуҳаммедов (Тошкент), Б. Баҳромов (Тошкент), Н. Қосимов (Қарши).
Назоратчи: А. Попов (Тошкент).
ЎзПФЛ вакили: В. Леткин.

Гол: Муроджон Тошматов 24, - 1:0 (Жавоҳир Эсонқулов). Ислом Қобилов 69, - 2:0 (Муроджон Тошматов)

 “Металлург”: 32. Суҳробжон Султонов, 4. (с) Ҳикмат Ҳошимов, 6. Дилмурод Каримов (70. Жаҳонгир Абдумўминов, 85), 7. Дониёр Одилов (9. Фарҳод Намозов, 86), 8. Аюбхон Нўъмонов, 11. Фаррух Шотурсунов, 13. Жавоҳир Эсонқулов (19. Эргаш Исмоилов, 90+3), 14. Давронбек Каримқулов, 17. Мирғиёс Сулаймонов, 22. Муроджон Тошматов, 40. Исломжон Қобилов.
Захира: 91. Зафар Сафоев, 5. Жасур Аҳмедов, 23. Шерзод Жалилов, 77. Саиджон Абдужабборов.

“Пахтакор”: 16. Александр Лобанов, 4. Аднан Ораховац (48. Тимур Толипов, 77), 5. Акбар Исматуллаев, 7. Азимжон Аҳмедов, 9. Жалолиддин Машарипов, 10. Жамшид Искандаров, 14. Жамшид Болтабоев (17. Акобир Тўраев, 89), 21. (с) Камолиддин Тожиев, 24. Даврон Ҳошимов, 28. Станислав Андреев, 55. Жасурбек Хакимов (51. Андрей Сидоров, 46).
Захира: 50. Умиджон Хамроев, 3. Ҳожиакбар Алижонов, 6. Аббос Отахонов, 32. Жасурбек Яхшибоев.

Огоҳлантиришлар: Камолиддин Тожиев (36), Азимжон Аҳмедов (54), Андрей Сидоров (63).

Четлатиш: Анвар Рашидов (“Пахтакор” мураббийи, 64).