Олий лига. "Обод" икки очколик фарқни йўққа чиқара оладими?

Тур ўйинларидан бири Муборакда "Машъал" ҳамда "Обод" жамоалари ўртасида бўлиб ўтади. 

Олий лига, 11-тур. 

"МАШЪАЛ" - "ОБОД"

Бошланиш вақти: 19:00

Ҳакам: Илгиз Танташев (Бухоро)

Турнир жадвалидаги ўрни: "Машъал" 14-ўринда (7 очко), "Обод" 16-ўринда (5 очко)

Очколар орасидаги фарқ - 2 очко.

Таъриф: Иккала жамоа ҳам турнир жадвалида пастки ўринларда бормоқда. "Обод"-ку майли, бу йил олий лигага чиқди ва тажрибаси кўп эмас, аммо "Машъал"ни сира таниб бўлмаяпти. Муборакликлар бунгача фақат икки бор ғалаба қозона олишди. Иккала жамоани турнир жадвалида атиги икки очко ажратиб турибди. Бундан кўриниб турибдики, Муборакда ўзига яраша қизиқ "жанг" кечади.  

Факт: "Машъал" бунгача фақат икки бор зафар қучди ва иккала ғалаба ҳам уйдаги баҳсларда қўлга киритилди. Жамоа охирги олтита ўйиндан бештасида мағлубиятга учраган. "Обод" эса ўтган турда илк ғалабасини нишонлади. Тошкентликлар "Сўғдиёна"ни мағлуб этишди. Бунгача эса жамоа қаторасига бешта ўйинда мағлуб бўлди. 

Эслатма: Кеча бўлиб ўтган "Машъал" - "Обод" (Ёшлар лигаси) баҳсида майдон эгалари 2:1 ҳисобида ғалаба қозонишди.