Олий лига. "Навбаҳор" 25 йилда иккичи бор ўз уйида бир ўйинда бешта гол ўтказди

Баҳсда "лочинлар" 1:5 ҳисобида ютқазиб қўйишди. "Навбаҳор" 2008 йилги мавсумда олий лигада ўз майдонида бешта гол ўтказиб юборган эди. Қизиғи ўшанда ҳам жамоа "Пахтакор" билан ўйнаган ва 0:5 ҳисобида ютқазиб қўйган эди.

1992 йилдан буён олий лигада мунтазам равишда иштирок этиб келаётган "Навбаҳор" шу кунга иккинчи бор ўз уйида бешта гол ўтказиб юборди.

Ушбу мавсумда "Навбаҳор" "Локомотив" билан Тошкентда ўтган ўйинда ҳам бешта гол ўтказиб юборганди.

Маълумот учун, айни пайтда 2016 йилги олий лигада энг кўп гол ўтказган жамоа айнан "Навбаҳор" бўлиб турибди. Наманган клуби 23та ўйинда ўз дарвозасидан 48та тўп олиб чиқди.