Олий лига. "Бунёдкор"нинг "қуруқ" сериясига "Олмалиқ" барҳам берди

Ўйиннинг 30-дақиқасида Фарҳод Тожиев мезбонлар дарвозасига пенальтидан гол урди. Шундай қилиб жамоанинг олий лигадаги "қуруқ" серияси барҳам топди. "Қалдирғочлар" сўнгги бор 2015 йилнинг 29-турида айнан "Олмалиқ"қа қарши ўйинда гол ўтказиб юборишганди. Ўтган йил охирги турда "Қўқон-1912" 5:0 ҳисобида таслим қилинганди.

Бу йил дастлабки турда "Нефтчи" 2:0 ҳисобида мағлуб этилганди. Сўнгра "Сўғдиёна" меҳмони бўлиб ғалаба қозонганди - 1:0. Учинчи турда "Машъал" билан 0:0 ҳисобида дуранг ўйналган эди. 4-турда "Шўртан" таслим қилинганди - 1:0.

Шу тариқа, "Бунёдкор"нинг "қуруқ" серияси 511 дақиқа давом этди.

Маълумот учун, бу мавсумда гол ўтказмаган битта жамоа қолди. "Бухоро" дастлабки 4 турда ўз дарвозаси даҳлсизлигини сақлаб қола олди. Ушбу жамоа 5-турни бугун ўз уйида "Андижон"на қарши ўтказади.