Олий лига. Бугун "Бунёдкор" - "Сўғдиёна" ва бошқа ўйинлар бўлади

Кунинг илк учрашуви Қўқонда бошланади. Нўъмон Ҳасанов бошчилигидаги "Қўқон-1912" жамоаси Рўзиқул Бердиев бошчилигидаги "Насаф"ни қабул қилади. Мезбонлар таркибни анча кучайтириб олишган, "аждарлар" таркиби эса бир неча йиллардан буён бир маъромда яхши ўйнаб келмоқда. Демак, қизиқарли баҳс гувоҳи бўлишимиз аниқ.

Фарғонанинг "Нефтчи" клуби мавсумни Ғузорда "Шўртан"га қарши учрашув билан бошлайди. Иккала жамоа ҳам янги мавсумда ўз олдига катта мақсадлар қўймоқда. Водийдаги яна бир баҳс Намаганда ўтади. Ўз таркибини бир қатор тажрибали футболчилар билан тўлдириб олган Илҳом Мўминжонов бошчилигидаги "Навбаҳор" Тошкентнинг "Обод" клубини қабул қилади.

Ўтган йил мавсумни кучли тўртликда якунланган "Бухоро" 13-ўринни олган "Олмалиқ" билан беллашади. Қизиғи иккала жамоада ҳам янги мураббийлар штаби иш бошлаган ва таркиб ҳам анчагина ўзгариб кетган.

Ниҳоят дастлабки турни Тошкентдаги "Бунёдкор" - "Сўғдиёна" учрашуви якунлаб беради. ОЧЛда иши юришмаётган "қалдирғочлар" мухлислар олдидаги айбини олий лигада ювишга ҳаракат қилиши аниқ. Даврон Файзиев бошчилигидаги "Сўғдиёна" эса ҳар йили етакчиларини йўқотса ҳам янги футболчилар билан бир текисда ўйин кўрсатиши билан ном қозона олган.

Учрашувларни сайтимиз орқали кузатиб боринг.

Олий лига. 1-тур

4 марта (шанба)
15:30 - Қўқон-1912 - Насаф
16:00 - Шўртан - Нефтчи
16:00 - Навбаҳор - Обод
16:30 - Бухоро – Олмалиқ
18:00 - Бунёдкор - Сўғдиёна