Олим Навкаров катта футболга қайтди

Футболчилик фаолияти давомида асосан “Трактор” сафидаги ёрқин ўйинлари билан танилган Олим Навкаров яна катта футболга қайтган. “Локомотив”, "Қизилқум" ва “Андижон” каби жамоаларда ҳам ўйнаган 31 ёшли ҳужумчи жарохат сабаб яшил майдонда кўринмай қолганди. 

Жорий йилдан у биринчи лига иштирокчиси “НБУ-Осиё” сафидан ўрин эгаллади. “Банкирлар” жамоаси Навкаров учун бегона эмас. Боиси Олим илгари айнан ушбу клубда ўйнаб, кейинчалик олий лига клуби “Трактор”га кўчиб ўтганди. Маълумот учун Навкаров кеча жамоасининг Кубок баҳсида "Бухоро"га қарши ўтказган ўйинида гол урди.

Айтиш лозимки, Рифат Акрамхўжаев бошқарувидаги жамоада Навкаровдан ташқари собиқ “Трактор”нинг собиқ ўйинчиси Музаффар Умурзоқов ҳам бор. Шунингдек Леонид Кошелев бу йил ҳам “НБУ-Осиё”да қолиб ўйнашни маъқул топди.