Олий лига-2013. Мухлислар тўплаш бўйича ким чемпион бўлди?

Беллашувларни жами 771840 мухлис бевосита ўйингоҳларда томоша қилди. (ўртача ҳар бир ўйинга 4241тадан тўғри келади).

Энг кўп томошабин «Гулистон» – «Олмалиқ» учрашувига ташриф буюрди – 11 121та. Энг кам томошабин эса «Бухоро» – «Қизилқум» учрашувига ташриф буюрган – 156 та.

Мухлислар тўплаш борасида «Бухоро» жамоаси пешқадамликни қўлга киритди – 144415. «Нефтчи» эса 135839 кўрсаткич билан иккинчи бўлди. Олий лигани тарк этган «Гулистон» 134340 натижа билан учинчи ўринни банд этди. «Навбаҳор» ўйинларига эса энг кам томошабин келган – 85755.

«Бухоро» жамоаси ўз майдонида ҳам энг кўп ишқибоз тўплаган – 87924 та. «Бунёдкор» худди ўтган йилдаги каби бу борада энг паст кўрсаткичга эга бўлди – 26469.

Сафар ўйинларида «Локомотив» жамоасининг (77402) мухлиси кўп. Сафарда «Олмалиқ»нинг мухлислари энг оз – 39022.