Олий лига 1-тур. Дастлабки 4 ўйинда кимнинг имконияти қандай?

12 март, 2015 йил.
"Пахтакор" (Тошкент) - "Олмалиқ" (Олмалиқ)
Ҳакамлар: И. Танташев (Бухоро), Б. Қодиров (Бухоро), А. Кўлдошев (Бухоро), И. Гармашов (Тошкент)
Назоратчи: В. Валицкий (Тошкент).

Бу ўйинда жамоаларнинг имконияти тенг деб айтса бўлади. Лекин 5 фоизга "Пахтакор" устун. Боиси "Олмалиқ"нинг бу йилги жанговор таркиби тузилганига нари борса икки ой бўлди. Бу таркиб 5 турдан кейин катта кучга эга бўлишини башорат қилиш қийин эмас. "Пахтакор" ўз майдонида ўйнайди, ОЧЛ ва Суперкубокдан келиб чиқса, футболчилар яхшигина сабоқ олганлар. Бу ўйин шубҳасиз турнинг марказий ўйини.

Имкониятлар: 55/45
"FIFA.uz"га олишни тавсия қиламиз: Кахи Махарадзе, Баҳодир Пардаев - Шавкат Саломов.

"Бунёдкор" (Тошкент) - "Бухоро" (Бухоро)
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), Ж. Жалимов (Нукус)
Назоратчи: А. Попов (Тошкент).

Бу ўйинда "Бунёдкор" фаворит. "Бухоро" тубдан янгиланяпти. Футболчилар ва замон билан ҳамнафас бўлган янги мураббий жамоада иш бошлади. Лекин ҳали бухороликлар расмий ўйинда майдонга тушишмади. "Бунёдкор" эса аллақачон учта жиддий ўйинда иштирок этишга улгурди. Жамоанинг таркиби икки йил давомида элакдан ўтиб олган. Бу эса Лушанга енгиллик яратади.

Имкониятлар: 60/40
"FIFA.uz"га олишни тавсия қиламиз: Акмал Шораҳмедов, Сардор Рашидов.

"Металлург" (Бекобод) - "Локомотив" (Тошкент)
Ҳакамлар: З. Қодиров (Навоий), Р. Шояметов (Тошкент), Р. Фозилов (Наманган), О. Тўйчибоев (Тошкент)
Назоратчи: А. Абдуллаев (Тошкент).

Суперкубокдан кейин Вадим Абрамовнинг иштаҳаси очилгани рост. Қолаверса, рақиб сафида кўп йилдан бери дарвозада туриб келган Маъмур Икромов энди Бекободга меҳмон сифатида ташриф буюради. Бу ўйинда имкониятларни тенг баҳоласак-да, таркиб ва ўйин амалиётидан келиб чиқиб "Локомотив"га устунлик берамиз. Аммо шуниси борки, агар "Металлург" истаса ўз майдонида ҳеч кимга очко бермайди. Лекин 1-тур ўз сўзини айтмай қолмаса керак, "Локомотив" аллақачон мавсумга тайёр бўлиб улгурган.

Имкониятлар: 45/55
"FIFA.uz"га олишни тавсия қиламиз: Дилмурод Каримов - Темурхўжа Абдухолиқов, Лутфулло Тўраев.

"Насаф" (Қарши) - "Андижон" (Андижон)
Ҳакамлар: М. Муҳамедов (Тошкент вил.), А. Цапенко (Тошкент вил.), Р. Серазетдинов (Тошкент), И. Ибрагимов (Нукус)
Назоратчи: С. Нажафалиев (Тошкент).

Буни қарангки, эртага бўлиб ўтадиган ўйинларда барча тўрт рақиб ҳам 1 ой аввал мавсумни бошлаб улгурган. "Насаф" ҳам тошкентликлар каби ОЧЛда ўз ўйинларини ўтказиб олди, аввалгисидан анча яхши. Саудия Арабистонида бўлиб ўтган ўйинда ҳам яхши ҳаракат қилган клуб, ўз майдонида таркибини у қадар ҳам яхшилаб ололмаган "Андижон"ни қабул қилади. Бу ўйинда "Насаф" максимал натижага эришини тахмин қилиш қийин эмас.

Имкониятлар: 60/40
"FIFA.uz"га олишни тавсия қиламиз: Элдорбек Суюнов, Артур Геворкян, Шуҳрат Муҳаммадиев, Ҳамза Каримов.