Оле-Гуннар Сульшер: "ПСЖ муҳим ўйинчиларини йўқотди, бу уларнинг ўйинини ўзгартириб юбориши мумкин"

"Келаётган ўйинларда бизни кучли рақиблар билан бўладиган беллашувлар кутиб турибди, лекин биз ҳозир энг яқин қолган ўйинга бор эътиборни қаратганмиз. Олдинга, узоқ учрашувларга ўтиб кетмаймиз, боиси бу ҳолатда консентрация йўқолади.

Муҳлислар ва ўйинчилар биз учун алоҳида аҳамиятга эга бўлган Чемпионлар Лигаси ўйинларини сабрсизлик билан кутишди. Мен шогирдларим учрашувни ишонч билан бошлаб, якунда ғалаба қозонишларини хоҳлайман.

Муҳим футболчиларни йўқотган исталган клуб буни сезади, аммо бу рақибига имконият беради. Шу сабабли ПСЖ ўйинини олдиндан айтиб бўлмайди. Бироқ, бизда уларнинг учрашувга қандай тайёргарлик кўраётгани ҳақида таҳминлар бор.

Мазкур тўқнашувга ажойиб ҳолатда етиб келдик ва бизда яхши имкониятлар мавжуд. Ўзимизга ишонган ҳолда бутун бир жамоа бўлиб ҳаракат қиламиз. Агар шу каби катта ўйинларда иштирок этиш учун омадли вазият юзага келадиган бўлса, бундай имконият айнан ҳозир борлигини таъкидлаш керак", – деди Сульшер.

"Манчестер Юнайтед" ва ПСЖ жамоалари ўртасидаги баҳс 13 февраль куни Тошкент вақти билан соат 01:00да бошланади.